لو فاكر أني هكلمك عن Apps من برة الـ Store أحب أقولك لا الـ Apps كانت في Google Play بردو و كمل معايا علشان في إحتمالية إنك تكون منهم
الـ Applications الي تم إكتشافها دي قالك إنها بـ "تسرق حسابات الـ Facebook" أصل خلاص الـ Hackers الفيتناميين هيسيبو كل حاجة و الفضول ياخدهم لأكونتك الشخصي
طبعاً الموضوع مش بالبساطة دي بس خليني قبل ما أشرحلك الجانب الي مش كتير هياخد باله منه تعالى أكتبلك ليستة بالـ Apps دي :
1-GG Voucher
2-Vote European Football
3-GG Coupon Ads
4-GG Voucher Ads
5-GG Voucher
6-Chatfuel
7-Net Coupon
8-Net Coupon
9-EURO 2021 Official
ملاحظة : الـ Apps دي تم حذفها من Google Play لاكنها مازالت موجوده على App Stores تانية
و للأسف كانت بتوهم المستخدمين بـ كوبونات مجانية لـ Netflix و عمليات تصويت للاعبين في UEFA EURO 2020 أصل حضرتك الي محدش يسمع عنك رأيك الدوري الاوروبي واقف عليه
المهم نرجع لكلامنا إيه الي يخلي الـ Attacker عنده فضول يعرف اللوكيشن بتاعك و الكوكيز و الـ Email و الـ Tokens الخ..
الموضوع مجرد تمهيد لمجموعة مراحل تانية لنشر Malwares بتاخد صلاحيات أكبر لإستخلاص بيانات و معلومات أكتر و أهم
و عملية نشر الـ Malwares مبتمش بعشوائية لازم يكون عندك معلومات كافية عن إهتمامات الضحية علشان تقدر تقنعه بفتح الـ Malwares دي
طبعاً مش ده الإستغلال الوحيد خد عندك كمان إستغلال الـ Sessions المسروقة عن طريق إستغلال مصداقية بعض الأشخاص علشان يبعتو الـ Malwares عن طريقهم و الكلام ده شوفناه كتير قبل كدة
بس كدة !!
لا تعالى خد عندك إستغلالهم في زيادة ريتش بعض الصفحات سواء كانت صفحات سياسية أو مروجة لـ Malwares أو حتى للهلس
و في النهاية حابب أقولك إنه الـ Malware المستخدم إسمه FlyTrap
نقلا عن Security Society
ليست هناك تعليقات
إرسال تعليق